Kobus! - Spieel In 'n Raaisel lyrics
rate meouma en oupa, tante en oom
hoeveel seisoenkringe is daar reeds gekerf
binne die stam van jou lewensboom
die dinge wat jy ken
word in skadus vervorm, vervreem
hul begin sag weggly
onmoontlik om saam te neem
gryskop en kaalkop, man en mannin
hoeveel somers het jy natgehuil?
hoeveel winters staar jy kole in?
dae word bevrore nagte
en nagte smelt weer tot dae
en die herfsblare sweef al digter
oor die antwoorde vir jou vrae
daar's giftige vrees in jou oë, kyk
dis ouderdom, niks besonders
daar's giftige vrees op jou asem, ruik
daar gaan die son al weer onder
ons kyk deur 'n spieël in 'n raaisel
sterre word dowwer, blomme verwelk
die illusie van gister se skaterlag
sagter en sagter en sagter en sagter
die valse waarhede jaar na jaar
word ware leuens
die droom dat jy altyd gaan lewe
laat jou vasklou, laat jou glo jy het vleuels
ons kyk deur 'n spieël in 'n raaisel
sterre word dowwer, blomme verwelk
die illusie van gister se skaterlag
sagter en sagter en sagter en sagter<br />
<br />
Thanks to razvan
