Willem Vermandere - d'emancipatie lyrics

rate me

Mijn lief is godzijdank nog nie g'emancipeerd

om t'emanciperen is ze wat te gegeneerd

maar ze maakt goe soepe en kuist als 't moet

de vloer en de ruiten en dat doet ze goed

Waar zijn mijn savatten, waar staat mijn hoofd

ze vindt alles were, god zij geloofd

God zij geprezen in zijn grote macht

heeft 'n Eva geschapen zo lief en zo zacht

Ze leest mijn gazette en iederen brief

van ieder meisje (dag Willem lief)

maar dan maak ik haastig alles were goed

en 'k vertelle niemand hoe dat je dat doet

Daarom en daarom zijn 'k der mee getrouwd

en 't heeft me nog nooit genen dag berouwd

en is 't geen da'k zing ouderwets gezwam

'k zie geren mijn lief en dat gaat niemand an

Vader an 'n heerd dat wil ik gerust

de kindjes douwen heel plichtsbewust

en 'k schuur nog de gang en 'k dweile den trap

'k doe nog den afwas en 'k roere de pap

Moest je 't echt willen 'k ga naar de coiffeur

voor 'n permanent in gelijk welk coleur

nen mise en plis of mêchen in mijn haar

niets is me te vele, te lastig of te zwaar

Zet nen stap in de wereld allé zijtgeniet blij

gaat maar gaan werken van nu voort zijtge vrij

met mijn relaties raak je gauw an nen djob

en met wat ellebogen aan den politieken top

Ware 't nie schone minister van kultuur

of liever, nog beter van drugs en censuur

'k zou wel assisteren in gevallen van nood

om je te zeggeh 't is obsceen 't is te bloot

Der ligt een carrière bij de geestelijkheid

als paster of bisschop voor jou weggeleid

en is joen echtgenoot een wettig bezwaar

zeg 't is compleet Sint Jozef van posture en van haar

Loodgieter spekschieter slunsepiet

of madam de flik waarom eigenlijk niet

kloefkapper schoenmaker groenselmarchand

en als je niet wil werken cipier in 't gevang

Och leert al da' j' wilt 't is mij al gelijk

je weet het j' hebt altijd het grootste gelijk

maar stopt van zagen en leeft content

en wordt alstublieft toch nooit genen vent

(c) Willem Vermandere