Tina Sani - Dayaar-e-Noor Mein lyrics

rate me

dayaar-e-nuur me.n teraa shabo.n kaa saathii ho

ko_ii to ho jo merii vahashato.n kaa saathii ho

mai.n us se jhuuTh bhii boluu.N to mujh se sach bole

mere mizaaj ke sab mausamo.n kaa saathii ho

vo mere naam kii nisbat se mo'atabar Thahare

galii galii merii rusvaa_iiyo.n kaa saathii ho

mai.n us ke haath na aa_uu.N vo meraa hoke rahe

mai.n gir pa.Duu.N to merii pastiyo.n kaa saathii ho

vo Khvaab dekhe to dekhe mere havaale se

mere Khayaalo.n ke sab manzaro.n kaa saathii ho