Tina Sani - Dasht-e-Tanhai Mein lyrics

rate me

Dasht-e-tanhaai main

ay jaan-e-jahaan

larzaan hain

teri aawaz ke sa’ay

teray honton ke saraab..!

Dasht-e-tanhaai main

ay jaan-e-jahaan

larzaan hain

teri aawaz ke sa’ay

teray honton ke saraab..!

Dasht-e-tanhaai main

duri ke khas-o-khaak talay

khill rahay hain teray pehlu ke saman

aur gulaab..!

Dasht-e-tanhaai main

ay jaan-e-jahaan

larzaan hain

Dasht-e-tanhaai main

Utth rahi hay kahin qurbat say

teri saans ki aanch

apani khushboo main

sulagti hui

maddham… maddham

dur ufaq paar chamakati hui

qatra… qatra

girr rahi hay teri dil daar nazar

ki shabnam..!

Dasht-e-tanhaai main

ay jaan-e-jahaan

larzaan hain

Dasht-e-tanhaai main

Is qadar pyaar say

ay jaan-e jahaan rakkhaa hay

dil ke rukhsaar pe is waqt

teri yaad ne haath

yun guman hota hay

garchay hay abhi subah-e-firaaq

dhal gaya hijr ka din aa bhi ga’ee

vasl ki raat..!

Dasht-e-tanhaai main

ay jaan-e-jahaan

larzaan hain

teri aawaz ke sa’ay

teray honton ke saraab..!

Dasht-e-tanhaai main

ay jaan-e-jahaan

larzaan hain

(Poet: Faiz Ahmed Faiz)