The Mediaeval Baebes - Palästinalied lyrics

rate me

Aller êrst lebe ich mir werde

Sît mîn sündic ouge siht

Daz reine lant und ouch die erde

Der man sô vil êren giht.

Mirst geschehen des ich ie bat,

Ich bin komen an die stat

Da got mennischlichen trat.

Schœniu lant rîch unde hêre,

Waz ich der noch han gesehen,

Sô bist duz ir aller êre.

Waz ist wunders hie geschehen!

Daz ein magt ein kint gebar

Hêre übr aller engel schar,

Waz daz niht ein wunder gar?

Daz in dô des niht verdrôz,

Dast ein wunder alze grôz,

Aller wunder übergnôz.