SUMAN KALYANPUR - Sun Le Baap Ye Paigaam lyrics

rate me

sun le baapu ye paigaam, meri chitthi tere naam

chitthi mein sabase pahale, likhata tujhako raam raam

likhata tujhako raam raam

sun le baapu ye paigaam

kaala dhan kaala vyaapaar, rishwat ka hai garam baazaar

saty ahinsa karen pukaar toot gaya charakhe ka taar

tere anashan satyaagrah ke badal gaye asali bartaav

ek nai vidya upaji jisako kahate hain gheraav

teri kathin tapasya ka ye kaisa nikala anjaam

praant praant se takaraata hai maaya par bhaasha ki laat

main panjaabi tu bangaali kaun kare bhaarat ki baat

teri hindi ke paanv mein angreji na daali dor

teri lakadi thagon ne thag lee, teri bakari le gaye chor

saabaramati sisakati teri tadap raha hai sevaagraam

raam raaj ki teri kalpana udi hawa mein ban ke kapoor

bachchon ne padhana choda tod phod mein hain magaroor

neta ho gaye dal badalu desh ki pagadi rahe uchhaal

tere poot bigad gaye baapu daaru bandi hui halaal

tere raajaghaat par phir bhi phool chadhaate subah shaam