SHAGUN movie - Zindagi Zulm Sahi lyrics

rate me

Song By SUMAN KALYANPUR

zindagi zulm sahi zabr sahi gam hi sahi

dil ki fariyaad sahi ruuh kaa maatam hi sahi

zindagi zulm sahi

hamane har haal men jine ki kasam khaai hai

ab yahi haal mukaddar hai to shikavaa kyon ho

ham salike se nibhaa denge jo din baaki hain

chaah rusavaa na huyi dard bhi rusavaa kyon ho

zindagi zulm sahi

hamako takadir se be-vajah shikaayat kyon ho

isi takadir ne chaahat ki khushi bhi di thi

aaj agar kaanpati palakon ko diye hain aansuu

kal thirakate huye honthon ko hansi bhi di thi

zindagi zulm sahi

ham hain maayuus magar itane bhi maayuus nahin

ek na ek din to yah ashkon ki ladi tuutegi

ek na ek din to chhatenge yah gamon ke baadal

ek na ek din ujaale ki kiran phuutegi

zindagi zulm sahi