RAJU CHACHA movie - Ek Samay Ki Baat Suno lyrics

rate me

Song By SHANKAR MAHADEVAN, SHWETA, ISHVARI, RISHI KAPOOR

ek samay ki baat suno ye baat hai badi puraani

maine tumhaare raaju chaacha se suni thi ye kahaani

ik sher tha ik sherni unke the teen bachche

tum jaise vo shaitaan the lekin

lekin lekin kya paapa

lagte the sabko achhe

chhoti si ik gufa ke andar chhota sa ik ghar tha

unke jeevan mein na koi dukh na koi dar tha

maa ke laadle the vo baap ko jaan se bhi pyaare

hanste gaate mauj udaate mil ke rahate the saare

la la la

kya hua paapa bolo na

honi ne jaal bichaaya vahaan ek shikaari aaya

vo sherni saamne aai usne bandook chalayi

vo sherni ghaayal ho gai chillaai tadpi so gayi

usne phir aankh na kholi seene mein lagi thi goli

lekin vo marte marte ye kah gayi chalte chalte

mere saathi mere sajna in bachhon ko pyaar se rakhna

tum baap ho bhool na jaana maa ka bhi farz nibhaana

he baap bhala kya jaane maa kya hoti hai

bachhon ke sang kaise hansati kaise roti hai

usane bhi yuun hansana rona seekh liya

bachchon ke sang jaagna sona seekh liya

samay ruka phir dheere dheere chalne laga

man ka ghaav dheere dheere bharne laga

baap ki ungli thaam ke bachche chalne lage

maan ke badle baap ki god mein palne lage

saal maheene mausam aane jaane lage

sher ke bachche phir se hansne gaane lage

baaki kahaani kal chalo bachhon abhi so jaao

oh nahi paapa nahi paapa please

abhi sunaao na paapa please abhi abhi

achha baaba to suno

o raahul o rohit o raani suno aage ab ye kahaani

pada unpe phir gam ka saaya vahaan ek babbar sher aaya

vo gurraaya chinghaada aise ke kha jaayega sabko jaise

vo bachhe to bas dar ke bhaage magar aa gaya baap aage

shuru ho gaya ek dangal laga kaanpane saara jungle

darakton pe ja baithe bandar chhupe saap bhi bil ke andar

kaheen ud gaye sab kabootar chadhe bhaalu parabat ke upar

lage bhaagne dar ke haathi na tha sher ka koi saathi

hui khoob jam ke ladaai babbar ne bahut maar khaayi

to bachchon ne taali bajaai