Qntal

Qntal - Departir

rate me

Cant voi l'aube du jour venir,

Nulle rien ne doi tant hair,

K'elle fait de moi departir

Mon amin, cui j'ain per amors.

Or ne hais riens tant com le jour,

Amins, ke me depairt de vos.

Quant je me gix dedens mon lit

Et je regairde encoste mi,

Je n'i truis point de mon amin,

Se m'en plaing a fin amerous.

Or ne hais riens tant com le jour,

Amins, ke me depairt de vos.

Biaus dous amis, vos en ireis ;

A deu soit vos cors comandeis

Por Deu vos pri, ne m'oblieis !

Je n'ain nulle rien tant com vos.

Or pri a tous les vrais amans

Ceste chanson voixent chantant

Ens en despit des medixans

Et des mavais maris jalous.

Or ne hais riens tant com le jour,

Amins, ke me depairt de vos.

Get this song at:  amazon.com  sheetmusicplus.com

Share your thoughts

0 Comments found