Polo Hofer - Johnny Ace lyrics

rate me

Är het gspielt wie es As

Är isch einsami Klass

U keine singt so u jede weiss

Keine singt dr Blues wie Johnny Ace

Wenn är am Klavier isch gsässe

Het gsunge vo Liebi u so

De hei d'Herre ihri Sorge vergässe

U de Dame sy Träne cho.

Sie hei gjublet u är het's gnosse

25gi, u rych u scho e Star

U dr Champagner isch gflosse

Bi de Meitli däne a dr Bar.

Me seit är syg e King

Ob är schpielt oder sing

U keine läbt sys Läbe so heiss

Keine bringt dr Blues wie Johnny Ace.

Da ghört me Johnny säge während em Fescht:

I bi nidd nume guet, nei i bi dr Bescht

I mache mit öich jedi Wett -

I gwinne sogar im Russische Roulette!

Chance füüf zu eis

Jede weiss was är weiss

Aber niemer cha säge warum

Schtärbe die Guete so jung u so dumm?

Ds Bluet isch so rot

U Johnny isch so tot

U keine het meh gsunge, i weiss

Keine singt dr Blues wie Johnny Ace.

Är het gschpielt wie es As

Är sich einsami Klass

U keine het so gsunge, i weiss

Keine singt dr Blues so heiss

Wie Johnny Ace!<br />

<br />

Thanks to razvan