Piter Wilkens - Reflektearjende Ruerd lyrics

rate me

<b>Reflektearjende Ruerd</b> by <i>Piter Wilkens</i><br />Hy wie noch mar in jonkje fan in jier as seis

doe gie er foar it earst nei't strân op skoallereis

noch nea earder hie er bleat stien oan felle sinneskyn

en fuort yn ienkear waarden alle baaigasten blyn

mei: Reflektearjende Ruerd yn'e buert

Troch de plysje waard er oppakt en hy waard oeral bekend

gelearden seagen raar op fan syn frjemd soart pigmint

"Oerdeis gjin klean mear út!", dat waard him troch de steat oplein

en oeral wer't er kaam waard mei skrik troch minsken sein:

"Reflektearjende Ruerd, is yn'e buert"

Sinnebrillen op, sinneskermen del

doch jim eagen ticht, hjir is wer dy jonge mei dat skiere wite fel

Reflektearjende Ruerd, is yn'e buert

Reflektearjende Ruerd, is yn'e buert

Reflektearjende Ruerd

Samar even kuierje, dat mocht er ek net mear

hy wie in grut gefaar foar it deistich dykferkear

automobilisten fleagen samar yn'e sleat

ja mei de ljochten op, no dan seagen sy wier neat

mei: Reflektearjende Ruurd yn'e buert

Hy wennet no allinne earne efterôf yn't lân

en de minsken ha al tiden gjin lêst mear fan him hân

hy wurdt no ryk fan't kweekjen fan griente yn in kas

hy betellet gjin elektrysk en hat gjin ferlet fan gas

want: Reflektearjende Ruerd is yn'e buert