Piter Wilkens - Persoanlike Piter lyrics

rate me

<b>Persoanlike Piter</b> by <i>Piter Wilkens</i><br />Persoanlike Piter sit

elke moarn te brochje iten

sjocht wat der yn ’e krante stiet

t heart by syn deistige riten

hy lêst mei alle nocht

oer in lustmoard in berjocht

Wat in gesoademiter!’

seit Persoanlike Piter

Persoanlike Piters frou

en syn ûnsjogge dochter

sa op it each bliuwt hy sy trou

mar as er koe dan socht er

in Thaiske hoer, in Poalske breid

mar hy doart net, net yn der ivichheid

o, wat in broekjeskiter

Persoanlike Piter

Persoanlike Piter giet

op it fytske nei kantoar ta

strikje foar, kreas yn ’t gelid

hy sil dêr noait spul mei in oar ha

hy komt de baas net oan ’e pels

hâld syn tinzen wol foar himsels

no sis it mar, hoe hyt er?

Persoanlike Piter

Persoanlike Piter slacht

stikem nachts syn eigen wyfke

foar de kick en om de macht

dat jou ik dy op in briefke

syn takomst is al lang ferskuord

hy spielt mei sterke drank syn ûnmoed fuort

hast elke jûn wol in liter

Persoanlike Piter

Persoanlike Piter is

te finen yn elke strjitte

en ien ding dat is wis

nimmen wol der wat fan witte

jawis, no wiist der ien nei my

‘Persoanlike Piter dat is hy!’

mar ha dysels no net te fiter

seit Persoanlike Piter