Piter Wilkens - Pake syn wein lyrics

rate me

<b>Pake syn wein</b> by <i>Piter Wilkens</i><br />Ik seach okkerdeis in foto fan in âld Dauphine

en ik tocht by mysels hoe koene wy der ea yn

ik moat laitsje as ik wer werom tink oan dy tiid

it wie pake's earste auto en wat wie er bliid

Hy siet grutsk efter't stjoer mei in grouwe sigaar yn pake syn wein

en op'e ein fan de rit allegear mislik en raar yn pake syn wein

Broer en ik sieten tusken beppe en mem yn

op' e efterbank, sy drukten ús hast fyn

heit lies de kaart en siet neist pake moai rom

mei suske op skurte, wy hiene kwalik gong

As it moai waar wie en it wie snein, giene we te riden in hiel ein, yn pake syn wein

Beppe stonk nei klonje en heit stonk nei 'Fresh-up' yn pake syn wein

mar it rútsje mocht net iepen want dan siigde it te bot yn pake syn wein

Mem hie de jûns tefoaren broadsjes smard

dus ite, ite, ite, ja sy hold ús koart

mar wy hiene 'Exota' foar de hiele dei

en wy krigen faaks in ijsko dus wy woene altyd mei

Wy songen âlde ferskes en wy laken hiel wat ôf yn pake syn wein

fan heit syn flauwe grappen krigen wy mar net genôch yn pake syn wein

Om it hoartsje stopje omdat der ien sa noadich moast

efkes gau yn' e berm mar úteinlik dochs net doarst

mar dan koene dochs de skonken even rjocht

en "Plank gas pake!" en wer fierder mei de tocht

Ja it wie doe wol in moaie tiid, yn pake syn wein

de simmers wiene lang en Fryslân wiid, yn pake syn wein

In hiele dei klam foar in kertierke bosk as strân

brodzich en gear, mar we ha it moai hân

en ik fielde my feilich en as in kening sa ryk

want ús pake hie in auto op' e dyk