Piter Wilkens - Kykjeflap lyrics

rate me

<b>Kykjeflap</b> by <i>Piter Wilkens</i><br />Spitich is it al, want ja ik wist fan neat, mar gean foaral jo eigen gong

ik ha myn âlde kloftke oan en bin net skeard, en ik lykje sa net mear sa jong

Aanst lis ik yn in badsje en bin ik fikseard, moat ik my mar oan jo oerjaan

foar ivich kom ik no op de gefoelige plaat, dus lit my my op myn bêst foardwaan

Binn' jo fan de parse as is dit privee, kom ik yn it ryksarchyf

faaks helje ik noch gau in kamke troch it hier, fergrutsje jo it negatyf

Och meitsj' ek mar in foto fan in moai portret, leafst net yn al te objektive sin

faaks hingje ik by de neiteam boppe oan 'e wand, dus retûzjeer myn ûnderkin

Kykjeflap, binn' jo no fotograaf , kykjeflap, no dan bin ik jo slaaf

kykjeflap, wy boartsje foar de grap, kykjeflap, kykjeflap, kykjeflap

De wrâld fan ljocht en skaad it jout in perspektyf, dus digerje mar troch jo lins

dit medium ûntjout stil it ûntwikkeljen en siz my, sjogge jo ek noch in grins

Dat giet fan flap en flits en klik en blits en sa, wol tûzen poazes op in dei

it is nijsgjirrich al dy oandacht as model, 'k leau dat 'k my sa wol lije mei

Kykjeflap, al wer dy fotograaf, kykjeflap, ik ûndergean it braaf

kykjeflap, hoe wolle jo it ha, kykjeflap, ik sjoch nei 't fûgeltsje ja

kykjeflap, in fakman is 't ferskil, kykjeflap, dan sit ik wol stil

kykjeflap, ik fyn jo dogg' it knap, kykjeflap, kykjeflap, kykjeflap

Kykjeflap, dêr is de fotograaf, kykjeflap, sjoch hoe 't ik foar jo draaf

kykjeflap, ik pas wol yn dy rol, kykjeflap, dit woe ik altyd al

kykjeflap, ik bin fotosjenyk, kykjeflap, sa wurd' wy beide ryk

kykjeflap, faaks ek noch wol beromd, kykjeflap, as 't yn 'e krante komt

kykjeflap, in reportaazje faaks, kykjeflap, jo binn' altyd sa waaks

kykjeflap, mei 'k mei de doka yn, kykjeflap, want wier it baarnt my yn

kykjeflap, jo binn' in wiere freon, kykjeflap, nee dat is net oerdreaun

kykjeflap, it libben is in grap, kykjeflap, kykjeflap, kykjeflap

kykjeflap, kykjeflap, kykjeflap!