Piter Wilkens - Fries om utens lyrics

rate me

<b>Fries om utens</b> by <i>Piter Wilkens</i><br />Der sit in man mei oandacht stil te lêzen

in âlde foto en it lietboek yn 'e hân

hy is der wol, mar wol der eins net wêze

hy tinkt mei langstme oan it Heitelân

Dit lân fan romte wie it lân dat him benaude

hy koe him hjir mar net nei 't sin ûntjaan

syn karriêre dêr't hy al sa lang oan boude

frege eins wol om in oare baan

Syn ôfkomst die fertuten alle kearen

want Friezen stean' bekend as trou en tûk

hy besocht syn Frysk aksint wol ôf te learen

mar lies syn alderearste Fryske boek

Fries om utens, kom dochs wer thús, it hie net hoegd om ús

wêrom lietst ús yn 'e steek

Hy waard foaroanman fan de Fryske Krite

yn nostalgy dêr fielde hy him thús

al koe er op it Frysk eartiids wol skite

hy praat no Frysker as de Friezen hjir by ús

En nei de VUT sil er werom as slagge strieman

omdat it Heitelân dochs altyd lûkt

wurde jim dêr lyk as ik ek o sa tryst fan

sa wurdt ús bertegrûn dochs raar misbrûkt

Fries om utens, we ha 't hjir bêst, binne mear honkfêst

want we fine it hjir skoan

Fries om utens, wat wolst no eins, der is neat mis mei Peins

by ús hast it bedoarn

Fries om utens, do krijst ea spyt, bist dyn woartels kwyt

it is dyn eigen stomme kar

Fries om utens, de wrâld fan alear, fynst hjir net mear

no bliuw dêr dan ek mar