Piter Wilkens - dunsje mei dy lyrics

rate me

<b>dûnsje mei dy</b> by <i>Piter Wilkens</i><br />Sis Jitske, sis fanke, skink my nochris yn

Foardat ik wer in nacht yn it tjuster ferdwyn

Ik kom hjir al salang, do kinst my sa goed

En ik wol net wer allinne nei hûs ta gean hjoed

It is slutingstiid en de kroech is al leech

En wat ik dy freegje is wier net sa dreech

De wrâld fan tsjintwurdich, it giet oan my foarby

Mar dat kin ik ferjitte as ik dûnsje mei dy

Sis Jitske myn frijheid, dêrfoar doch ik in moard

Mar myn jild smyt ik altyd as wetter oerboard

De bern hjir se sjogge my as in alcoholist

Mar ik focht foar har frijheid, ik wie in baas masinist

'k Ha de oarloch oerlibbe, it lok lake my oan

Mar myn maten fan eartiids binn' allegeare al ferstoarn

Hege piken, djippe deltes, sa gie dat mei my

En lit my no dûnsje, dûnsje mei dy

Sis Jitske ik ha my noait bûn oan in frou

'k Ha it in pear kear besocht mar ik wie se net trou

Ik ken elke haven, ik ken elke hoer

En krige ik de kâns, dan die ik it grif oer

Do wolst it net leauwe, mar ik wie in tûke jong fint

En ik libbe foar de folle 200 prosint

Ik libbe sa blier en sa rom en sa frij

Mar kom lit my dûnsje, dûnsje mei dy

Sis Jitske, sis fanke, it is om my dat ik hjir kom

Do litst my mar seure, en ik praat soms sa dom

Ik wit it wurdt hurd minder mei't âlde ferstân

Mar draai noch in bandsje en jou my dyn hân

Myn libben hie kleur en it wie lang net min

Mar om hjir fuort te tarjen, dêroan ha 'k gjin sin

Alles wat ik noch ha, o, do krijst it fan my

As ik noch ien kear dûnsje, ja dûnsje mei dy

Sis Jitske sis fanke, skink my nochris yn

Foardat ik foargoed yn it tjuster ferdwyn

(c) Piter Wilkins