Pe Daalemmer Rooie Rinus - zundagoavendblues lyrics

rate me

<b>zundagoavendblues</b> by <i>Pe Daalemmer Rooie Rinus</i><br /><b>zundagoavendblues</b> by <i>Pé Daalemmer & Rooie Rinus</i><br />ik stond lest te liften veur t station van appingedam

ik was bie mien moeke op verziede west

en was nou weer terog op weg noar mien koamer in stad

leste traain was net tien menuten vot dus ik an t liften ja

en doar ston ik in t duuster laangs rieksweg 41 en t was nog klotenweer ook

doar heurde ik n auto an kommen broezen moar hai ree deur

en ging boetendes nog richting delfziel ook

de papieren puut mit poepetonen dai ik van mien moeke

oet de vraizer mitkregen had

was al hailendaal deurwaaikt deur dai röttege regen

dai mie nou ook al bie nekvelle laangs begon te lopen

in de verte zag ik n poar koplampen dichterbie kommen

dus ik begon as n gek mit mien aarms te zwoaien

woardeur puut openscheurde en poepetonen op weg sodemieterden

tjongejongejonge, wat had ik n mazzel

want ik kon mitrieden tot wirdumerdraai!

moar onderwegens bie tjamsweer kroop mie de onderboksem tussen de bilnoad

en ik had zo'n strakke spiekerboksem an

dat je m der ook niat zomoar even oet kon pulken

gelukkeg bie t bushokje van wirdumerdraai

kon ik boudel weer op stee leggen

en anderhaalf uur loater scheurde ik alweer over snelweg richting stad

t was nait in n porsche, n bentley of n jaguar

moar in zo'n dikke bestelauto van de spar!

net noa sloetenstied van café's

wer ik oetzet bie club taboe op botterdaip

moar ik haar toch zo'n dörst kregen

van dai zolte pinda's dai ik van dai chauffeur kregen haar

dus ik denk ik goa moar es bie rinus kieken

of doar nog wat te hoalen valt

ik belde bie 'm an

moar hai dee mie nait open...

(c) P. de Haan/ F.J. den Hollander