MOHD RAFI - Ek Tha Gul Aur Ek Thi Bul Bul lyrics

rate me

ek thaa gul aur ek thee bulbul donon chaman mein rahate the

hai ye kahaanee bilkul sachchee, mere naanaa kahate the

bulbul kuchh aise gaatee thee

aise gaatee thee

aise gaatee thee

nanda-kaise gaatee thee

bulbul kuchh aise gaatee thee,

jaise tum baatein karatee ho

wo gul aise sharamaataa thaa,

aise sharamaataa thaa

aise sharamaataa thaa

nanda-kaise sharamaataa thaa

wo gul aise sharamaataa thaa

jaise main ghabaraa jaataa hoo

bulbul ko maaloom naheen thaa,

gul aise kyon sharamaataa thaa

wo kyaa jaane usakaa nagmaa,

gul ke dil ko dhadakaataa thaa

dil ke bhed naa aate lab pe, ye dil mein hee rahate the

lekin aakhir dil kee baate

aise kitane din chhoopatee hain

ye wo kaliyaan hain jo ek din

bas kaante ban ke chubhatee hain

ek din jaan liyaa bulbul ne,

wo gul us kaa diwaanaa hai

tum ko pasand aayaa ho to boloo,

phir aage jo afasaanaa hai

nanda-bolo na chup kyon ho gaye

ek duje kaa ho jaane par, wo donon majaboor huye

un dono ke pyaar ke kisse, gulashan mein mashahoor huye

saath jiyenge, saath marenge, wo dono ye kahate the

nanda-phir kya hua

phir ek din kee baat sunaaoo,

ek sayyaad chaman mein aayaa

le gayaa wo bulbul ko pakad ke,

aur diwaanaa gul murjhaayaa

shaayar log bayaan karate hain,

aise unkee judaayee kee baatein

gaate the ye geet wo donon,

saiyyaa beenaa naheen katatee raate

mast bahaaron kaa mausam thaa,

aankh se aansoo bahate the

aatee thee aawaaj humeshaa,

ye jhilmil jhilmil taaron se

jisakaa naam mohabbat hai wo

kab rukatee hain diwaaron se

ek din aah gul-o-bulbul kee

us pinjare se jaa takaraayee

tootaa pinjaraa, chhootaa kaidee,

detaa rahaa saiyyaad duhaayee

rok sake naa usko milake, saaraa zamaanaa, saaree khudaayee

gul saajan ko geet sunaane, bulbul baag mein waapas aayee

Nanda-raja bahut achchhi kahanee hai

yaad sadaa rakhanaa ye kahaanee, chaahe jeenaa, chaahe maranaa

tum bhee kisee se pyaar karo to, pyaar gula-o-bulabul saa karanaa