Jan Tekstra - ferske foar de nijling lyrics

rate me

<b>ferske foar de nijling</b> by <i>Jan Tekstra</i><br />Is der immen dy’t dy sein hat

dat it griene gers keunstmjittich is

dat der ea in see fan blommen wie

de sleatswâl fol mei bargebek en bollepysten stie

Is der immen dy’t dy sein hat

dat de bank it hûs betellet en de boat

dat wy oan ien wei efter ússels oan jeie

by die en by nacht wurkje as dat moat desnoads

Dit is in ferske, in ferske foar de nijling

Is der immen dy’t dy ferteld hat

oer de iensumens yn dizze lúkse drokke wrâld

dat minsken stil ferstjerre trije heech

wy net witte oft in went’ bewenne is of leech

Dit is in ferske, in ferske foar de nijling

Is der immen dy’t dy ferteld hat

oer de habsucht yn ús holle

is der immen dy’t dy sein hat dat wy nettsjinsteande

alles wat wy hawwe noch folle folle mear ha wolle?

Dit is in ferske, in ferske foar de nijling