Elmore D - dji n'ouveure qui l' londi lyrics

rate me

<b>dji n'oûveûre qui l' londi</b> by <i>Elmore D</i><br />Qwand dj’èsteû p’tit

M’ pére m’a tofêr dit:

« Såye d’avu d’ l’instrucsion.

À qwè veût-on

Qu’in-ome èst sûti?

I n’ si fêt måye nåhi ».

M’a falou l’ timps,

Mins asteûre dj’a compris.

Dji n’ bodje pus li p’tit deût.

Si m’ pére mi veût,

I deût èsse fîr di mi:

Dji n’ouveûre qui l’ londi.

Dji n’oûveûre qui l’ londi

Dji n’oûveûre qui l’ londi

Dji n’oûveûre qui l’ londi

C’èst bin assé por mi.

Dj’a bin loukî

Les djins distingués:

Sont todi bin r’pwèzés.

Wice trovèt-is

L’ corèdje di bronzer

Avou tos leûs soucis?

N’ ravizèt nin

Lès cis qu’ prindèt l’ trin

A sîh’ eûres å Guillemins.

Dji mète èn-oûve

Çou qu’on dit à Nameur.

Dj’ènnè fêt wêre, mins bon.

Dji prinds tot m’ timps,

Dji ratind d’èsse maweur,

Dji vike come on lum’çon.

Onk di cès djoûs,

Dji tap’rè l’ouh’ so l’ beur,

Po n’ pus fé qu’ dès tchansons.

Dji veû co m’ mame

qu’ènn’aléve à l’ouhène

Avou des solés d’ plomb.

« Awè, d’héve-t-èle,

Dji sé bin qu’à l’FN,

On fêt des fiziks, dès canons,

Qu’îront touwer totes sôrts di pôvès djins,

Å nom dè l’ civilizåcion.

Mins mi dj’ veû bin qu’ tot çoula n’ siève à rin

Qu’à écråhî l’ patron ».

Dji veû co m’ mame

qu’ènn’aléve à l’ouhène

Avou des solés d’ plomb.

« Awè, d’héve-t-èle,

Dji sé bin qu’à l’FN,

On fêt des fiziks, dès canons,

Qu’îront touwer totes sôrts di pôvès djins,

Å nom dè l’ civilizåcion.

Mins mi dj’ veû bin qu’ tot çoula n’ siève à rin

Qu’à écråhî l’ patron ».