Ede Staal - Wie schenken ons nog ain in lyrics

rate me

<b>Wie schenken ons nog ain in</b> by <i>Ede Staal</i><br />Mien opa woont in Bavvel

Doar woont e aal tachteg joar

Ik goa voak even aan

Gezelleg bie mekoar

Moar noa de achtste borrel

As'k sikkom nait meer kin

Din zegt dól klokjebruier

"Wie schenken ons nog ain in"

Lest mos'k mit hom noar dokter

't Bloud was veul te dun

Toun kreeg e tabeletten

Hai reerde: "Da's begun"

Mor onderwegens noar hoes tou

Toen schoot hom wat in't zin

Wat zong e thoes in keuken

"Wie schenken ons nog ain in"

Hai wer in't Academisch

Aan't wotter opereerd

Ik haar'n goie hoop

Mor hai was't nait verleerd

Hai zee: "'t Binnen reuzen zusters

'k Bin bliede da'k hier bin

De fles staait achter pispot

"Wie schenken ons no ain in"

Dat hai der nait in spijde

Is joe nou wel bekend

Toun vroug ik aan zien dokter

"Hou krieg ik hom ontwend"

Dij zee: "Zo'n Popke Nathaals

Doar goa'k nait tegen in

Ik heb mor ain recept

"Wie schenken ons nog ain in"

Lest was ik weer in Bavvel

Toun leek e nait te fris

'k Kreeg kovvie mit olwieven

Ik docht: "Der is wat mis"

Toun huil e doem en vinger

Krek tussen neus en kin

Ik wis wat ik mos zeggen

"Wie schenken ons nog ain in"