Anandmurti Gurumaa - Ishq ka khanjar lyrics

rate me

Rumi ke shabda dilo par raaz karte hain

Rumi ke shabda veh sheesha hain,

jo sab raaz dikha dete hain

Deh or rooh se pare dodh jata hai koi

jab sunta hai Rumi ko

Jo khoji hai woh jaan lega, sab rehasyon ko

ruhaaniyat ke, insaaniyat ke, mohabbat ke, akiddat ke

Purit ho jayenge vah, jo sunenge saar is prem ka

ki jiske aansu bahe the, Shams-e-Tabriz ki mohabbat mein

ki jiske paanv thirak gaye the, allah ki yaad mein

Aise Rumi ke shabda, agar dilo mein romanch na uthaein

to ek hi baat ho sakti hai

ki phir tumhare seene mein dil nahi hai

Mein tumhe apni kahaani kehne ja rahaa tha

par dard ki lehron mein, meri aawaz doob gayi

Maine prayaas kiya shabda kehne ka,

par mere vichaar, nazuk ho, sheeshe ki tarahn toot gaye

Bada jahaaz bhi doob sakta hai,

prem ke sagar mein uthe bavandar se,

meri kamzor si kishti ko to chodo

jo toot kar tukdon mein badal gayi

or mujhe choda sirf ek lakdi ke tukde ke sahaare

mein nanha shaktiheen uthta swarg ki or,

prem ki ek lehar se aur girta doosri se

Mujhe yeh bhi nahin pata,

ki mein hoon bhi ki nahin

jab sochta hoon ki main hoon,

mein swayam ko be-arth dikhta hoon

jab sochta hoon ki mein nahin hoon

to apni keemat pata hoon

Mere vicharon ki tarhaan

kabhi marta, kabhi uthta hoon har din

to mein punar janam par shanka kaise karoon

thak gayaa hoon,

thak gayaa hoon, jag mein prem ki talash karte hue

anteteh: kar diya samarpan, prem ki vaadi mein

aur ho gaya,

aur ho gaya aazad

Maro, maro is prem mein

aur utho, aatma mein

maro, maro, aur kaato 'aham' ki rassi

jo tumhein kaid mein rakhti hai

hathoda le kar chalo deewar ke paas

tod kar raah banaao baahar ki

Maro, maro us khoobsurat badshah ke aage

ki tum bhi shaktishali ho sako

Maro, maro, aur utho, is baadal mein se

tum chamkoge sundartam chand ki tarhan

Maun raho, maun raho,

ki maun chinh hai mrityu ka

aur tumhare maun se,

jeewan shor karega, shehnayi se bhi zyada

Aao mere satguru

aao, mat door jao mujhse

aao mere dhokhebaaz chand

dekho is tadapte, taraste premi ko

aao mere sharabi shehanshah

tum mera jeewan ho,

meri akla, mera sab kuch ho

Meri kaali raaton ke chamakte chand bano

mein pyasa hoon teri roshni ka

mere hathon ka karo upyo

dekho meri ankhon se

suno mere kaano se

tum aatma ho har jeevit prani ki

Aao, aao nachte hue surya ki rashmi ki tarahn

aur door karo parchaiyon ko

tum naye jagat ke dhwaj ho

aur man hai tumhare charno mein

laut kar aao mere prem

mera toota hridai, aur prem peeda ko seh na sakega

aur vaide nahin

maine bahot ratein guzar di neend ke bagair

mere maun dukh ki

meri thaki akla ki

aao mere khazaane

mere jeewan praan

aao, aur mere zakhmon ko bharo

aur, bano dawaa

shabda bahot hue,

aao ab bina ek shabda kahe................

<br />

<br />

Thanks to Ashish