Anandmurti Gurumaa - Iltaja lyrics

rate me

Tummein jo prem na mehsoos kar sakein, sote raho

Tummein jo prem ki peeda na mehsoos kar sakein

hirdai mein kabhi prem jwaar na uthe, sote raho

Jo samaagam ko tadapte na hon

Jo lagaatar puchte na rehte hon, kahan hai woh, sote raho

Prem path sabhi dharm sampradayon se baahar hai

Agar dhokha aur paakhand, hai tumhara dhang, sote raho

Agar tum pighalte nahin, tambe ki tarahn,

tanki rasaynik sona bana sake, sote raho

Agar tum sharabi ki tarahn girte ho baaein-daaein

Agyan ki raati beet gayi, prarthna ka samay ho chuka, sote raho

Kismat ne meri neend ley lee hai,

Par chunki abhi tumhari nahin lee hai, jawaan aadmi, sote raho

Ham to gir gaye hain, prem ke haathon mein

Tum abhi tak, tumhare haath hi ho, sote raho

Mein veh hoon jo mast hai prem mein

Tum abhi bhog bhojan mein mast ho, sote raho

Maine to apna sir de diya hai

Aur kehne ko kuch nahin

Par tum to gher sakte ho, swayam ko shabdon ke libaas mein, sote raho

Jab mein tumhara chehra dekhta hoon

band kar leta hoon apni ankhein

Mein tumhare wajood se bhara hoon

mein hoon sharabi tere hone se

Mil sake mujhe solomaan ki mohar

mein pighal gaya hoon mom ki tarahn

Jab tumhara chehra dekhta hoon

mein apni dradta samarpit karta hoon

aur ban jata hoon aah tere hothon ki

Tum mere haath mein the

aur mein dhoondta raha tumhein, andhe aadmi ki tarahn

Mein tha tere haathon mein

par sawaal puchta raha

Mein zarur raha hoon anjaan ya sharabi

apna hi swarn churata tha

Mein zarur raha hoon, pagal ki ghus kar

apne hi chameli ke baag se churata raha

Mein tumhari marzi par bahut maroda gaya hoon Shams-e-Tabriz ke

par mein sukhi hoon apne dukhohn mein

utsav ki shuruaat mein, badte hue chaand ki tarahn

Jab prem achanak se aaye,

aur khatkhataaye tumhari khidki

daudo aur pehle usey bheetar lo

aur tark ka darwaza band karo

zara sa ishara bhi prem ko door bhej dega

us dhooein ki tarahn,

jo duba deta hai taazgi, subho ki hawaa ki

Tark ko prem sirf itna hi keh sakta hai

raah mein rukawat hai tum nikal na sakoge

par premi ko hazaaron aashirwad bhent karta hai

Iske pehle ki man uthe,

pehla kadam le, prem saatvein swarg tak pahunch jata hai

Iske pehle ki man soche, kaise

prem pavitra parvat chad chuka hota hai

Ab mujhe bolna band karna chahiye

aur prem ko maun ke gharonde se bolne dena chahiye

<br />

<br />

Thanks to Ashish