Alex Vissering - dij rooie beuk lyrics

rate me

<b>dij rooie beuk</b> by <i>Alex Vissering</i><br />Dij rooie beuk woar k onder zit, is 100 joaren old

Zien bloaderen glimmen, hai staait doar stail

En stam droagt t jonge holt.

Ik vuil ais aan zien gladde hoed en kiek din mit respect

Noar n boom dij mie aal inhoalt het,

In tied , in kracht, dat stekt…..

Ik bin jaloers op n grode reus, dij proot mit aal zien bloaderen,

Hai fluustert mie de toukomst deur,zien takken moaken de geboaren.

Ik sloag mien aarms doar om hom tou,

De wind poest deur mien hoar.

t Is net n vrund dij oafschaaid nemt

Van tied en van mekoar

Ik wait n stee, doar ston n boom, n beuk van 100 joar

Dr staait nou n senioren flat mit coniferen doar.

Bedaankt hur boom, veur proaterij,

En veur dien kracht in t leven

Doe hast nog wel eem volhollen,

Mor zai wollen nait meer geven.

Mit hier en doar n grieze hoar en rimpels van de zörgen,

Heurt elke dag gaauw tot t verleden, wat telt is nou en mörn…..!