Age Van Der Velde - t beste peerd van staal lyrics

rate me

<b>t beste peerd van staal</b> by <i>Age Van Der Velde</i><br />Hiltje von zokzulf te zwoar

En ging doar veur noar Stad

Gimmestieken wol ze, op meziek

Dat leek heur dou wel wat

Eerst rekken en strekken as "warming-up"

Zo hait dat, da's gezond

Din klinstern en hinkelepinken

Mor wat bleef dat was dij kont

Ik denk t ligt aan dien genen

Blifst aaltied rond en vol

Kiek mor noar dien achternoam

Haist nait veur niks 'Vraauw Knol'

En astoe op schoale staaist

Denk din: t is mor n getal

Blifst mien laive peerdebloum

En t beste peerd van staal

Ain, twij, drij, vaaier ...

As Hiltje n spaigel tegen kwam

Duurfde ze nait te kieken

"Grinzen" zee ze, "duk net nog nait

Mor k begun op n peerd te lieken"

Heur Jopke was t nait mit heur ains

Dij zee: "k hol van vol en rond

n Pude botten huft veur mie nait

k Zai laiver n peerdekont"

Ain, twij, rek en strek ...

Drij moanden laank, vief moal in week

Ging Hiltje op fiets noar Stad

Gimmestieken op meziek

Mor ze veraanderde gain spat

Om òf te valen nam ze ook tabeletten

Raauwköst en broccoli

Mor wat bie heupen der òf goan was

Kwam bie kont der rad weer bie

"Hiltje, Hiltje, hol mor op"

Tekst en Muziek: Age van der Velde