erwin de vries - Op zuik lyrics

rate me

<b>Op zuik</b> by <i>erwin de vries</i><br />In mien zuiktocht noar geluk,

loop ik deurgaans aalweg stuk

op de simpele vroag wel ik bin

dat wat ik ooit kreeg

is ainzoam en leeg

en is 't zulfde

as wat ik ook nooit geven kin

'k Heb ellend mor n gevuil van mislukking en ellende

dat onbestemde deurgoan en gemis

'n verlangen noar 'n thoes, 'n poar waarme zaachte aarms

mor 'k wait gainains wat nou aiglieks laifde is

Dus run ik deur deur deur

tot 't paradies,

wat te laanger ik blief run'n

vuil ik ook gain konsekwenties

toch blief ik strunen, strunen, strunen

noar iets wat mie bindt,

want ik bin altied op zuik

noar wat ik toch nooit vind

Ik bin 'n overlever,

ik leef van stee noar stee

de draank misvormt mien leven

zodat ik mien verleden vergeet

Tussen onbegrip van mensen

en gain wait van holden van

mien verweer as 'n kadde in 't naauw

'k hol mie vast aan de gedachte

dat ik ooit mien rust nog krieg

want mien wegen laaiden mie

aaltied aargens noar tou!

Dus run ik deur deur deur

tot 't paradies,

wat te laanger ik blief run'n

vuil ik ook gain konsekwenties

toch blief ik strunen, strunen, strunen

noar iets wat mie bindt,

want ik bin altied op zuik

noar wat ik toch nooit

strunen, strunen, strunen

strunen, strunen, strunen

want ik bin altied op zuik