Elmore D - ci n' sere may pus come divins l'timps lyrics

rate me

<b>ci n' sère may pus come divins l'timps</b> by <i>Elmore D</i><br />L’ôte djoû dji rinteûre,

Vè lès p’titès-eûres.

Dji crèyéve qu’èle dwèrméve

Mins èle mi ratindéve.

"Volà l’ bê djodjo;

Mister Romeo,

Qui r’vint avou Jack Daniels

D’avu fêt totes lès tchapèles".

Dji creû qu’ ci côp-cial, si èle mi r’prind,

Ci n’ sèrè måy pus come divins l’ timps

Awè, c’èst di m’ fåte,

Dès-èscûsses dj’ènne cwîre nin.

Dji deû magnî l’ tåte

Di tot çou qu’ dj’a fêt d’ calin.

Passéve-t-i ine cote,

Dji pièrdéve mès djèyes.

Buvéve-t-on ine gote,

Dji finihéve lès botèyes.

Dji creû qu’ ci côp-cial si èle mi r’prind...

Èle n’a nin tchoûlé,

Èle n'a min.me nin dit å r'vèye.

Èll’a hiné mès camadjes

Divins lès montèyes.

Dj’aveû bê lî dîre

Qu’ dj’aveû l’ coûr come ine crompîre,

Èle m’a r’clapé: c’èst trop tård,

Ti n’ candj’rès pus, nonård.

Dji creû qu’ ci côp-cial si èle mi r’prind...

Come èll'èst bizêye,

Dji deû fé totes sôrts d'afêres.

Dji fê lès hièles, li bouwèye,

Dji rimplihe li frigidêre.

Po couh'ner, c'èst co pés,

Dj'ènn'a vrêmint m' sô.

Dji n' magne qui dès surgelés,

Dj' l'êr d'in-èskimô.

Dji creû qu’ ci côp-cial si èle mi r’prind...

origineel: I AIN’T GETTING WHAT I USED TO GET van GREGORY D.C. BELLAMY