De Nihilisten - buskotje lyrics

rate me

<b>buskotje</b> by <i>De Nihilisten</i><br />'k zitten up't gemaksje, in't buskot

'k zyn up de bus an't wachten toet datn stopt

'k hopen dat'ie komt, 'k zittn hier al een endje

in e buskot langst e boane zoender ende

buiten is't hot, de schouwte doe me goed

de ruiten zyn kapot en 't kozyn is geroest

by 't verzetten van me voet, word't stof upgewaaid

't banksje voe te zitten is al lange geplooid

't kloksje is an't tikken, 'k zien vadertje tyd

ne slentert voorby, moar e bus zie'k nie

in't buskotje zit'k up't gemaksje

geduldig an't wachten voe me kanse te pakken

'k moe nietn hebbn, 'k zyn nog roend an't kykn

en wa da'k zien met wa da'k willn an't vergelyken

wa da'j verdient, is wa da'j et gezaaid

en zoender zelfgeloog, gerak je d'r nooit

an den overkant stoat e klein kapelje

in de zunne an't brandn, schoone helder

de deure is verkleurd, hier en doar gescheurd

witte verve schilfert van de meur

't kruisje hangt scheef, als latste verzet

woardat de klokke kloenk et een ekster ze nest

en ik ? ik doen best en wachtn up de bus

op weg noar nergens, op zoek noar huis

in't buskotje zit'k up't gemaksje

geduldig an't wachten voe me kanse te pakken

in't buskotje zit'k up't gemak

'k weet nie of da de bus komt, dus bluve'k wachtn

en 'k wachtn up 't een en 't ander da'k verwachtn

'k weetn 1 twa, 'k goa me kanse pakken

is't nu nie, 't is later, 'k en vele geduld

etwoaschen langs de boane, vulup an't lulln

'k kykn noar de velden in de verte

'k zyn kliete splytn en schapen zoender herder

in de wyde omtrek gin ziele te bespeuren

en ik telln ongeduldig de euren

in't buskotje stoat de tyd stille

'k stelln me de vraage, wa da'k in feite willen

van al da gepeis word'k moe

de warmte mak me loom en m'n oogsjes valln toe

'k begin te dromen en zien eindelyk up weg

'k hoorn zoete stemmn die dingen uitleggn

ze zeggn: 't is ok a'j bluv je best doen

en 'tmakt nie uit a'je soms nie wit wa da'j moe doen

'k goan noar 1000 plekkn, hoge boven de grond

'kbegriepen alles wa da'k nooit verstond

opeens word'k wakker deur e roenkende moteur

en 'k zien de bus weg rydn zoender chaffeur

dus zet'k me neere met e fyn glimlachsje

in't buskotje, wachtend up me kanse

(c) De Nihilisten