De Kast - Dunsje Mei Dy lyrics

rate me

<b>Dûnsje Mei Dy</b> by <i>De Kast</i><br />Sis Jitske, sis fanke, skink my nochris yn

Foardat ik wer in nacht yn it tsjuster ferdwyn

Ik kom hjir al salang, do kinst my sa goed

En ik wol net wer allinne net hûs ta gean hjoed

It is slútingstiid en de kroech is al leech

En wat ik dy freegje is wier net sa dreech

De wrâld fan tsintwurdich, it giet oan my foarby

Mar dat kin ik ferjitte as ik dûnsje mei dy

Sis Jitske, myn frijheid dêrfoar doch ik in moard

Mar myn jild smyt ik altyd as wetter oerboard

De bern hjir se sjogge mu as in alkoholist

Mar ik focht ek foar har frijheid, ik wie in baas masinist

`k Ha de oarloch oerlibbe, it lol lake my oan

Mar myn maten fan eartiids binn`allegear al ferstoan

Hege piken, djippe deltes, sa giet dat my mei

En lit my no dûnsje, dûnsje mei dy

Sis Jitske ik ha my noait bûn oan in frou

`k Ha `t in pear kear besocht, mar ik wie se net trou

Ik ken elke haven en ik ken elke hoer

On krige ik de kâns, dan die ik it grif oer

Do wolst it net leauwe, mar `k wie in tûke jong fint

En ik libbe foar de folle twahûndert prosint

Ik libbe sa blier en sa rom en sa frij

Kom lit my no dûnsje, dûnsje mei dy

Sis Jitske, sis fanke, it is om dy dat ik hjir kom

Do list my mar seure en ik praat soms sa dom

Ik wit it wurdt hurd minder mei `t âlde ferstân

Mar draai noch in bandsje en jou my dyn hân

Myn libben hie kleur en it wie lang net min

En om hjir fuort te tarren, dêroan ha `k gjin sin

Alles wat ik noch ha, o do krijst it fan my

As ik noch ien kear dûnsje, dûnsje mei dy

Sis Jitske, sis fanke, skink my nochris yn

Foardat ik foargoed yn it tsjuster ferdwyn