Viagi'n söl làac, 
cumè una musca'n söl vedru, 
vo' inanz e indrèe 
de Belàas a Buvedru, 
e viagi sö i stràad 
e viagi de'n pèzz 
stremissi i dunètt 
de Cadenabia a Tremèzz...
 
Ooh aah, sunt el fantasma del làac...
 
Ho vedü la guera, 
ho vedü i partigian, 
e quel che hann cupàa 
lé sura Azàn,
e viagi nel veent 
e se grati una bala 
stanòcc a durmìi 
resterò pö giò a Sala...
 
rit...
 
Sun mort tresent voolt 
e sunt gnamò in pàas 
e me pias cùreg adrèe 
ai tusanètt de Dumàas.
Però ogni tàant, 
me vègn ancà'l magòn 
e caragni un pezèet 
giò in riva a Culònn...
 
rit.
 
E me curen adrèe
i carbinier de Argegn 
i vören saràmm 
in una casa de lègn,
e me curen adrèe 
i finanzier de Nubiàll 
e me ghe disi 
de menga rump i bàll.
E me curen adrèe 
anca i fràa de Piona
i m'avran scambià 
per una quai Madona,
e scapi via 
senza parabrezza
me tuca cambià làac 
e finisi sö a Purleza...
 
rit.