Davide Van De Sfroos - Akuaintro - Akuaduulza lyrics

rate me

Akuaduulza akuaduulza ma de un duulz che nissoen el voe beev Acqua stràca e acqua sgunfia sciùscia i remuj e i gaamb di fiulìtt… Lavandèra in soe la riva cul tò ass per pugià giò i genoecc El savòn e la camìsa, sfrèga i pàgn e'l riflèss di muntàgn E quest'unda vagabunda l'è una lèngua che bagna i paròll, lèngua che rànza e lèngua redùnda, prema l'è timida e poe sbròfa tucc… Akuaduulza akuaduulza troppa vòlta per fàss carezzà Acqua ciàra o spurcelènta, tropa vègia per tràss foe i mudaand, suta el ventru de ogni barca e sura la cràpa de ogni sàss sura el rusàri de ogni memoria…ma sura de te resterà nissoen pàss.. gnanca el suu che te frusta la schèna o la loena che pucia giò i pee, gnanca la spada de ogni tempesta riussirànn a lassàtt un disègn… Akuaduulza akuaduulza acqua che scàpa e che poe turna indree Acqua vedru e acqua perla prunta per tucc ma che spècia nissoen Gh'èmm una fàcia de tartaruuga e gh'èmm una fàcia de pèss in carpiòn Gh'èmm una fàcia che paar roba tua e urmai te vedum senza vardàtt Quajvoen l'è scapaa da la spuzza dell'alga e poe l'è turnaa per lavàss i soe màn Quajvoen l'ha spudaa in soe la tua unda e poe le turnaa cun ‘na lacrima in pioe Akuaduulza akuaduulza quanta acqua impienìss questi oecc Acqua negra e senza culpa, acqua santa senza resònn E passa un batèll e passa un invernu e passa una guèra e passen i pèss Passa el veent che te ròba el mantèll e passa la nèbia che sàra soe i stèll Pescaduu che te làsset la spunda ne la brèva che càgna i vestii Rèma i pee soe sta foeja che dùnda cun la canzòn che te voett mai finì……