Carl Orff - Trionfo di Afrodite- Iam Licet Venias Marite lyrics

rate me

IAM LICET VENIAS, MARITE

iam licet venias, marite:

uxor in thalamo tibi est,

ore floridulo nitens,

alba parthenice velut

luteumve papauer.

at, marite, ita me iuvent

caelites, nihilo minus

pulcer es, neque te Venus

neglegit. sed abit dies:

perge, ne remorare.

non diu remoratus es:

iam venis. bona te Venus

iuverit, quoniam palam

quod cupis cupis, et bonum

non abscondis amorem.

ille pulveris Africi

siderumque micantium

subducat numerum prius,

qui vestri numerare volt

multa milia ludi.

claudite ostia, virgines:

lusimus satis. at boni

coniuges, bene vivite et

munere assiduo valentem

exercete iuventam.

ille pulveris Africi

siderumque micantium

subducat numerum prius,

qui vestri numerare volt

multa milia ludi.

exercete iuventam.