Age Van Der Velde - wat bin ik trats dak n grunneger bin lyrics

rate me

<b>wat bin ik trãts dak n grunneger bin</b> by <i>Age Van Der Velde</i><br />Grunnen mien stad, mien lust, mien leven

Zunder die is t leven zo graauw

Grunnen de stad, woar ik ben geboren

Kin die nait missen, k blief die traauw

Om die tou, de schiere dörpen

Van Knoal tot Lauwersoog

En dien tröts, zai ik al op òfstand

"d' Olle Grieze" rist fier omhoog

Òf en tou, komt oet dien toren

Dij zuvere klank van t klokkenspel

Din kiek ik omhoog noar "de Martini"

t Bezörgt mie houndervel

t Goldkantoor en Akkedemie

Korenbeurs, t Provinciehoes

t Binnen de schatten, nog oet t verleden

En nait te vergeten, t ol-Stadhoes

Groot Maart en Glène Riepe

Herestroat en t Zuderdaip

t Kolle Gat, t is nait te tellen

Hou voak ik doar al deurhìn laip

Grunnen mien stad, mien lust, mien leven

k Bin zo gelukkeg, dak die kin

Grunnen de stad, woar ik bin geboren

Wat bin ik tröts, dak n Grunneger bin

Wat bin ik tröts, dak n Grunneger bin

Tekst en Muziek: Age van der Velde