Age Van Der Velde - t olle dorp lyrics

rate me

<b>t òlle dörp</b> by <i>Age Van Der Velde</i><br />As k in mien òlle dörp kom, bin k weer t lutje jong

Dij in moaren bootje vuir en over sloten sprong

Din goan mien gedachten, trug noar vrouger tied

k Zai en roek de baauwte, k roak dat nooit weer kwiet

As ik mien ogen sloet, zai k mien vrunden weer

De oaventuren dij wie haren, mit pieleboog en speer

Der gaait veur mie gain dag veurbie

Dak doar nait even aan denk

Loan bie t olderliek hoeske, doar noar meulen tou

Der is gain boom van over, wat koal liekt mie dat nou

De zwoare lindebomen woar k vrouger onder zat

Ik kin ze nait meer vinnen, lopt nou n stainen pad

Op stee woar ais mien schoule ston, gruit kloaver en gras

Krep en stiekeldoorn gruien, woar ais t schoulplaain was

Der gaait veur mie gain dag veurbie

Dak doar nait even aan denk

k Heur weer moekes' verskes, zang zo zuver zongen

k Vuil pabbes haand op scholder, as wie soam vissen gongen

Din begunt dat weer te leven, k zai ales wonderkloar

t Vertraauwd gezicht van moeke, haand even deur mien hoar

Bie dij momenten van vrouger, vlogt t bloud mie noar t gezicht

Omdak t nait verlaizen wil, kniep k mien haanden stief dicht

Der gaait veur mie gain dag veurbie

Dak doar nait even aan denk

Tekst en muziek: Age van der Velde