Age Van Der Velde - mien kindertied lyrics

rate me

<b>mien kindertied</b> by <i>Age Van Der Velde</i><br />Lest zag k foto's van vrouger joaren

Doarop plekjes woar k speulde as kind

k Docht geliek trug aan t Hörnstroatje

Dat mien herinnern mit vrouger bind

Hou zel t weden, mit de vrunden van vrouger

Wubbo, Gezienes, Hinderk en Fré

k Bin heur begrodelk oet t oog verloren

Gain ain woont meer op t zulfde stee

Hou t destieds was, zel k nooit vergeten

k Vuil mie sums wènsteg

k Heb nait ain dag spiet

Joaren beston' oet juchtern en laggen

De mooiste joaren, mien kindertied

k Zai mie weer strunen in vertraauwde omgeven

Dat was mien wereld, k was gelukkeg en blied

Zodroa lanteerns boeten gingen branden

Mos k gaauw op hoes aan, t was bèrgoanstied

Soavends stiltjes oet t dakroam klaauwstern

"Deugennait" was t woord dat noaberschop zee

k Haar veur gain geld vrundschop willen missen

Mit Wubbo, Gezienes, Hinderk en Fré

Tekst en muziek: Age van der Velde