Age Van Der Velde - Glenne Riepe lyrics

rate me

<b>Glènne Riepe</b> by <i>Age Van Der Velde</i><br />Bie veujoarsdag, as t zunlicht lij

de riep beschient, nog nat van snij

den schittert doar n schat van kleuren,

den zain ie t wonner weer gebeuren:

de Glènne Riepe staait ien blui,

de Stadjerder is haildaal hui!

Meziek van t örgel gaalmt ien gulpen

dwaars deur hom hin, hai koft zien tulpen!

In zummertied, as Vismaart glèn

te gluien ligt deur drokte hin,

den is t n weelde bie dij kroamen,

ie boaien deur de blommen, oamen

en zoegen joe van haarten zat

aan bliedschop op dat tegelpad!

Al zol ie leste cent betoalen,

ie willen zummer binnenhoalen!

En in haarst, as noordwesterstörm

om hörns hoelt as n wilde lörm,

gain kerel lopt bie t pad te venten

den zain ie flappernde tenten,

mor staait hier schoedelnd ien schoel

en waarme tinten kleuren t voel

van t asfalt: broen en rood en sangen,

n plaaisterploats van stil verlangen…

Den komt de graauwe wintertied

de blomme-tentjes goan aan zied

en op de koale stainen komen

nou hoge stoapels dennebomen.

Midwinterdreum in neonlicht!

Gezelleg is zo’n stadsgezicht

van aal dij scharrelnde vrunnen

in t haartje van heur aigen Grunnen!

As Glènne Riep laag in Paries,

den was t bekend as t Parredies:

“Chaussee Brûlante”, “Ville Lumière”,

Het rendez-vous van “Elle et Pierre”.

Den haitte t hier “Marché aux Fleurs”,

ol D’r Oakerk was ons “Sacré Coeur”

en de verlichte Olle Grieze:

“La Tour du Monde et son énglise”.