Home >> Artists starting with N >> Noor Jehan Lyrics >> Mujh Se Pehli Si Mohabbat

Noor Jehan - Mujh Se Pehli Si Mohabbat Lyrics

mujh se pahalii sii mohabbat merii mahabuub na maang

main ne samajhaa thaa ki tuu hai to darakhshaan hai hayaat
teraa Gam hai to Gam-e-dahar kaa jhagadaa kyaa hai
terii suurat se hai aalam mein bahaaroon ko sabaat
terii aankhoon ke sivaa duniyaa mein rakkhaa kyaa hai (*)
tuu jo mil jaaye to taqadiir niguun ho jaaye
yuun na thaa main ne faqat chaahaa thaa yuun ho jaaye
aur bhii dukh hain zamaane mein mohabbat ke sivaa
raahatein aur bhii hain vasl kii raahat ke sivaa

mujh se pahalii sii mohabbat merii mahabuub na maang

anaginat sadiyo.n ke taariik bahimaanaa talism
resham-o-atalas-o-kam_Khvaab mein bunavaaye huye
jaa-ba-jaa bikate huye kuuchaa-o-baazaar mein jism
Khaak mein lithade huye Khuun mein nahalaaye huye
jism nikale huye amaraaz ke tannuuroon se
piip bahatii hu_ii galate huye naasuuroon se
lauT jaatii hai udhar ko bhii nazar kyaa kiije
ab bhii dil_kash hai teraa husn maGar kyaa kiije
aur bhii dukh hain zamaane mein mohabbat ke sivaa
raahatein aur bhii hain vasl kii raahat ke sivaa

mujh se pahalii sii mohabbat merii mahabuub na maang

Thanks to Saeed for correcting these lyrics
 

Share your thoughts

Comment :
Rating :
comment

(Maximum characters: 100)
You have characters left.